اختراع جديد

اخترع العلماء جهاز يساعد للوصول الى الجزء المسؤول عن الكذب في الدماغ. هذا الكذب الذي يسميه البعض رذيلة ونميمة ملح الرجال
وقد اخترع هؤلاء جهاز يرسل تيارا كهربائيا خفيفا غير مؤلم يوجه الى راس الشخص ليعرفوا ان كان صادقا ام ان كلامه حكي بحكي.
الكمبيوتر في بداياته كان بحجم الغرفة وبدا يتطور الى ان صار ضمن الهاتف الخلوي يحمله صاحبه بيده مع باكيت الدخان.
ولعل جهاز كشف الكذب ياخذ نفس المنحى في النشوء والارتقاء فينحصر بداية استعماله في مؤسسات الدولة والجمارك.....
وقد يتطور هذا الجهاز ليصبح جهازا فرديا مثل الموبايل ويغدو امرا مالوفا ان تجد شلة من الاصدقاء في المقاهي قد وضع كل واحد جهازه امامه على الطاولة لتتحول اشعته بشكل اتوماتيكي الى راس
كل من يفتح فمه للكلام. وقد ترى عاشقين في كافتريا وكل واحد مشهر جهازه براس الاخر وهات بعدها صراخ وتكشير.
وقد يتم الاتفاق بين بعض الازواج العقلاء على عدم تفعيل هذا الجهاز داخل الحرم المنزلي او اتفاق العشاق على طفي الاجهزة اثناء اللقاءات العاطفية.
وقد يصبح تقليدا ان يطلب مدير الندوات او الجلسات الحزبية والسياسية طفي جميع الاجهزة مع طائلة طرد المخالف من القاعة.
من المؤكد ان هذا الاختراع سيخلق مشكلات لا حصر لها بين البشر في سائر انحاء العالم.((((فبعض الكذب يفرح قلب الانسان)))).


....منقول....

جهاز رح يلاقي رواج غير طبيعي بالمنطقة
ومفيد للي ما بيشغل عقلو ليعرف الكلام الواصلو صحيح أو خاطئ
شكرا ًعلى الموضوع الرائع

مارسيل كمان الجهاز بيساعد الواحد يلي بيحاول يلعب عالحبلين
قصدي بيحكي قدامك شي وبضهرك شي تاني
ومتل ما بيقول المتل بوجهك مراية وبقفاك.....


مشكور ميدو عالتعليق

انا بالنسبة الي رح اشتري كل الاجهزة بالسوق

واذا قدرت رح اشتري براءة الاختراع

بس يا ويلي لو حطو بالسرافيس ما عاد الواحد ينزل من دون ما يدفع

سو سو اشتقنالك يعني اذا كنت حلوة بتتقلي علينا

مارسيل سدقني اللي ما بيشغل عقلو ما رح يفيدو هالجهاز

شكرا ساحرتنا وسلميلنا على هبة اذا كانت لساها على قيد الحياة

ميرسي سليمان والله خجلتني لا عم اتقل ولا شي صرت نحفانة ع رمضان هههههههههههههههه
الحمدلله هبة لسا على قيد الحياة وبتسلم عليك

معناها صياما مقبولا انتبهي في ناس ما بيحبو النحاف

هبة بتسلم عليي ما بصدق من هيك غيرت موبايلها وما خبرتنا

يالله حسابنا بعدين

شكرا على مرورك دكتورتنا

تحيااااااااتي سوسو
والله أنا سمعت بهالجهاز وفي برنامج عالتلفزيون متل مسابقة
عبارة عن أسئلة وأجوبة بس كل مين يشارك فيه بكون عم يجازف حتى بحياتوا الزوجية
شكرااااا كتيرعالموضوع

اهلين ديار
اي بتذكر هيك برنامج انا يلي حضرتو برنامج اجنبي مسابقة
برايي عن الفضايح مو مشان الواحد يختبر معلوماتو

مررررحبا
والله كلامك مزبوط فية هيك شي
بس هالشي عندون صاير عادي متل شربة المي

بس ما تكوني لساكي زعلانة مننا
بس لا تواخذينا ما فينا نكذب

شكرا سوسو على الموضوع

بس هاد الجهاز عيارو ساعة بعدين رح ينفجر
ليش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مو رح يلحق يجمع كل الكذب يلي حواليه

هههههههههههههههههههههه
اي والله معك حق مارح يلحق ابدا
مشكور لمرورك